Categories
All Books Galego

Grupo de lectura de Scórpio

Comparto unha nota que me enviaron para difundir esta iniciativa.

A Asociación Carballo Vivo de Friol organiza un grupo de lectura virtual de Scórpio, novela de Ricardo Carvalho Calero, autor homenaxeado nas Letras Galegas 2020. Continúa así coa iniciativa Desconfinamos a obra de Carvalho na que tamén participa Modelo Burela.

O prazo de inscripción estará aberto até o 30 de Agosto. Para incribirse é preciso enviar un whatsapp aos números de teléfono que aparecen na nota de prensa. Eu xa o fixen!

Categories
All Galego Lifestream

O André

Neste verán, un dos memes que agromou na galego-esfera do twitter foi o de actualizarmos o perfil poñendo o artigo antes do nome: a Berta, o Ricardo, a Teodora, etc.

https://twitter.com/emgalego/status/1284816061624455168

Este meme inspiroume a revisar a historia e normativa da antroponimia galega.

Dentro das linguas románicas, o uso do artigo con antropónimos e topónimos é característica do Galego-Português, compartida con outras como o Catalán mais que non teñen o Castelán ou o Italiano, por exemplo. É, ademáis, unha forma que, na oralidade, tivo certa vitalidade na Galiza até ben recente: vai no Canadá, falei co Pepe, compreino na Pobra, etc son estruturas que eu ouvía de mozo e, de cando en vez, aínda ouzo. Así tamén quedou recollida na Gramática elemental del gallego común de Carvalho Calero.

Este vagar pola historia da antroponimia galega levoume até as publicacións do seminario de onomástica da Real Academia Galega, que son a referencia legal nesta área. En 2016, a RAG publicou Os apelidos en galego: orientacións para a súa normalización -prontuario non exento de polémica– co ánimo de promover a recuperación dos nomes e apelidos galegos deturpados por castelanismos a partir da altura en que o galego foi excluído dos ámbitos cultos. Con todo, foron outras entidades públicas e privadas as que lanzan a campaña a prol da recuperación, aínda que tamén se pode atopar información ao respecto creada dende Secretaría Xeral de Política Lingüística da Xunta e algúns concellos.

E así é como, quer como brincadeira, quer como posta en valor do patrimonio lingüístico do Galego-Português, decidín actualiza-lo meu nome nas redes por “O André”.

Úneste á brincadeira?

Categories
All Events Galego Lifestream

Meetup WordPress Lugo

Hai uns meses atrás, Carlos liouse a manta á cabeza e propúxose retomar a programación do meetup de WordPress en Lugo, logo dun tempo parada. Lhosca e máis eu decidimos botar unha man e en Xullo presentamos a nova etapa, coa colaboración da maravillosa xente que organiza o meetup (e WordCamp!) WordPress Pontevedra.

Logo dunha pausa polo verán, comezamos o outono coas pilas cargadas. O próximo venres 25 de Outubro, imos a falar de Gutenberg, replicaremos webs co editor de bloques, e veremos cómo estendelo. Temos prazas limitadas, xa podes reservar a túa na web da meetup.

Categories
All Galego

¿Por qué acabo de doar a PrazaPública e GaliciaCiencia?

Acabo de facer unha doazón de 40€ a GaliciaCiencia e outros 40€ a PrazaPública. A razón é moi sinxela: para cambiar o mundo, uso tamén os meus superpoderes de consumidor.

cabecera_gciencia

GaliciaCiencia acaba de chegar apenas ós 4 meses de vida. Pero en tan pouco tempo están aportando grandes historias: ¿sabíades que hai 2 satélites en órbita realizados en Vigo, e que a universidade e o consorcio da zona franca están buscando financiación para crear un nodo aeronáutico na cidade? ¿Ou que Zeltia, a gran farmacéutica galega, nace das investigacións sobre o caruncho do Instituto Miguel Servet? ¿Ou que a primeira referencia documentada do libro-electrónico é de “Doña Angelita”, profesora ferrolá?

logo-praza-publica

PrazaPública, pola contra, cumpleu xa 2 anos. En todo este tempo, fixo un traballo de tratar temas dende unha perspectiva galega, como se pode ver nas 12 novas máis lidas do periódico ata o momento. Pero tamén de crear un novo modo de seguir as novas en base a temas do teu interese ou crear/manter o pulso de outros temas como casos de corrupción como o Pokémon ou o debate sobre a redución do parlamento galego. E celebra este cumpleanos iniciando a publicación de libros xornalísticos, como o «Angrois. O AVE en pedazos», que  é unha “reportaxe longa” sobre o maior accidente ferroviario dos últimos 50 anos en España. Libro de David Reinero, un dos xornalistas que mellor coñecen a política de infraestructura en España.

Ambas iniciativas conforman unha revolución silenciosa, que non aparece nas primeiras páxinas dos medios pero que ten un significado cecáis máis profundo: están creando unha axenda e opinión pública. Si ben actos concretos como as folgas e manifestacións teñen a forza de visibilizar o descontento e, por tanto, modificar os umbrais de rebeldía que poden provocar cambios repentinos; a súa catalización require dun contexto previo e unha axenda posterior.

Que estos 2 medios independentes, con financiación cidadá, sexan parte do ecosistema xornalístico, só depende de nós.

Categories
All Galego Makers Lugo

1ª quedada makers Lugo

Este luns 30 de Decembro, a partir 20:30h, un grupo de interesados no hardware e software libre das cercanías de Lugo quedaremos para compartir cervexas e conversa na cervecería La Internacional. Makers benvidos!


Ver un mapa máis grande

Categories
All Galego

Finding ADA

Hoxe celébrase o Finding Ada, un evento de homenaxe ás mulleres nas ciencias, enxeñerías, tecnoloxía ou matemáticas. Inspirado en Ada Lovelace, a primeira programadora da historia, o evento pretende visibilizar ás mulleres do mundo STEM. Unha divertida maneira de profundizar no mundo de Ada é este cómic online (pronto publicado en libro!), no que ten un rol detectivesco conxuntamente con Charles Babagge, e que xa recomendei pola súa rotunda actualidade: Lovelace and Babbage in Economic Model!

Categories
All Galego

Redución de escala e poder

Últimamente, non se nos fai extraño ver procesos de reducción de escala -adelgazamento- tanto no ámbito público como no privado, ben sexa en forma de recortes de servizos ou redución de plantilla. E aínda que a crise actual empañe todo, temos que recoñecernos que xa o sabíamos: este proceso non é derivado da crise, aínda que ésta o acelere.

O que me chama a atención son as medidas que se toman dependendo da distribución do poder:

  • El País anuncia o peche das edicións galega, vasca, andaluza e valenciana, botando ó redor de 140 periodistas dos 440 que dispón o xornal. Chama a atención que o xornal dispoña de case 500 directivos (tantos como traballadores!) e que os recortes se centren nos que traballan.
  • O goberno central avanza nun recorte sen precedentes do estado do benestar a costa dos cidadáns, pero non dos seus dirixentes. Somos nós cos nosos impostos os que mantemos a estructura estatal, porén, son eles os que a dirixen: “hay una legislación que favorece claramente la participación en política de los funcionarios públicos. Si se mira este Gobierno y todos los anteriores se ve una presencia de funcionarios muy superior a lo que representan en la sociedad. Eso genera un sesgo: quienes dirigen el país no son una imagen representativa de lo que es el país.”

Mentres tanto, nas cooperativas Mondragón, cando pintan bastos o adelgazamento de unha das cooperativas nos se fai a costa dos traballadores senón con eles: redución de soldos global, mobilidade inter-cooperativa, etc. E si ben é necesaria a reducción de escala por cambios no contorno, faise inevitable pensar na brutal diferencia que hai en facela dun modo ou outro.

E vénseme á cabeza o famoso discurso Tommy Douglas, Mouseland:

«The cats passed good laws–that is, laws that were good for cats. But the laws that were good for cats weren’t very good for mice.»

Categories
All Galego Library TV

Sight

Seguindo coa onda de BlackMirror: neste corto (8 minutos), onde unha parella queda para coñecerse e tomar unhas copas a tecnoloxía é algo máis que un accesorio. Recoméndovos paralo de vez en cando para ver as “aplicacións” que están usando.

Categories
All English Galego Radar

Chain of command

«Give ten minutes to transform it into an emergency» — O paper filosófico definitivo para entender as xerarquías e as cadeas de mando (via rvieito).

Categories
All Galego Radar

Os ciclos pequenos

¿Qué teñen en común a dieta xaponesa, os métodos de entrenamento de Mouriño e as técnicas áxiles de creación de software?

  • Na dieta española, típicamente, a alimentación planifícase por semana -o luns peixe, o martes pasta, etc. Pola contra, na xaponesa, cómese multitude de elementos de tódolos tipos nunha mesma comida: o ciclo de planificación é diario.
  • Na práctica do fútbol profesional, exercítanse varios aspectos: físicos, técnicos e tácticos ou psicolóxicos. Un entrenamento soe consistir en varios minutos de carreira continua (para entrenar os aspectos físicos),  para logo realizar exercicios técnicos e estratexia (lanzamento de córner ou saídas con balón) e finalmente charlas de preparación psicolóxicas. A metodoloxía da periodización táctica que exercitan Rui Faria e Mouriño levan a cabo un entrenamento integrado, con varios exercicios que potencian tódolos aspectos ó mesmo tempo.
  • Na industria da creación de software, ata hai unha década, os productos concebíanse con ríxidas fases de producción, típicamente “análise > arquitectura > desenvolvemento > test > documentación”. Coa chegada do movemento agile, emerxe a idea de que é posible crear productos con ciclos máis curtos e iterativos onde se realicen tódalas fases simultáneamente.

O que me chama poderosamente a atención é ver como nos 3 casos se potencian os ciclos pequenos de actividade que alimentan os ciclos grandes. E dame por pensar si ése actuar fractalmente marcará diferencia algunha no éxito ou fracaso.