No sólo software » Galego

Internet goes on strike

Andrés — Wed, 18 Jan 2012 07:17:41 +0000

Hoxe, a web está de folga. Estos días estase a debatir no congreso estadounidense a coñecida como lei SOPA que recorta liberdades dixitais. Estamos en pé de guerra. Nesta batalla, persoalmente pouco podo facer máis que darlle publicidade ó que ocorre e pensar en modos futuros para que non me afecte: non olvidemos que a globalización é interdependencia e que, gran parte da ~~miña~~ nosa actividade online está mediada por compañías estadounidenses de contidos (ás que máis lle pode afectar a lei SOPA). Por sorte, na maioría dos casos que me afectan éstas adhírense á folga da web: dreamhost, wordpress (capturas), wikipedia, google, etc. Pero isto non me reconforta. Simplemente me mete présa para seguir profundizando no noso plan de independencia dixital.

Actualización 18 de Xaneiro: este blog ha redirigido las peticiones de visitas a la web de la huelga. Gracias a los creadores del plugin que hicieron posible que esto fuese posible para cualquier usuario de la red odiseus de un modo trivial.

Actualización 22 Xaneiro: Clay Shirky axúdanos a reformular o debate sobre a SOPA e PIPA neste video.

Díaz Pardo, in memoriam

Andrés — Fri, 06 Jan 2012 22:42:11 +0000

«Se Díaz Pardo fose como Steve Jobs, nas cuncas de Sargadelos só poderias tomar café Las Candelas.»

In memoriam (via).

Cut-spending or don’t cut-spending?

Andrés — Sat, 24 Dec 2011 16:21:36 +0000

Un bo artigo da BBC sobre a crise na eurozona faime reflexionar de novo sobre o tema e recordar un video de Garicano sobre as deficiencias económicas de España. Ser os primeiros da clase en cumplir co pacto de estabilidade non nos evitou a recesión, o noso problema foi a débeda privada, síndrome de novos ricos. E a saída agora non está clara: ¿aforro ou inversión?

Samaín

Andrés — Tue, 01 Nov 2011 10:39:12 +0000

Chega o Samaín, literalmente o fin do verán, festividade celta que supoñía o fin da temporada de colleitas e era considerada o fin de ano celta. En Galicia, é tempo tamén de chorar ós mortos. A miña rutina hoxe é despertar cedo, conectar o RSS, ler as noticias. E chego a “Los médicos deben de recetar desde hoy por principio activo y no por marca comercial“. Así, gracias á necesidade económica -impulsada por Galicia, a comunidade autónoma que máis gasta en medicamentos por paciente- o impulso de xenéricos é unha realidade. ¿O principal beneficiado? As arcas do estado, que se aforrarán cerca de 2.000 millóns de euros. Pode que tamén a industria de xenéricos española. Recordo agora as primeiras charlas, anos atrás, cando Fran e máis eu comezamos a falar de propiedade intelectual, xenéricos, software libre e desenvolvemento. Cómo cambiou o mundo anos despois: o software libre xa non é un descoñecido para o mundo da cooperación e os xenéricos pasan a ser unha realidade. Dalgún modo tamén éstos son os meus mortos. Choro por eles e déixoos ir. Agora, toca dedicarse ós vivos.

Cidades e áreas metropolitanas

Andrés — Mon, 04 Feb 2008 18:32:49 +0000

Si o papel das cidades e das áreas metropolitanas na sociedade da información é tan decisiva como parece, toca mirar para nós mesmos e ver de qué estamos feitos.

Conectarse ós foros mundiais de debate

Andrés — Wed, 07 Nov 2007 18:51:06 +0000

É unha idea manida que na Sociedade da Información o principal non é a túa situación xeográfica nin as economías de escala que permite a existencia dun gran país (de feito enaxénanse esas vantaxes fronte a flexibilidade do pequeno). O importante reside en conectarse ós fluxos mundiais de comercio, innovación e debate.

Nos últimos tempos, en Galicia, estanse a dar pasos interesantes neste sentido. O que vou a comentar é a iniciativa Pobre Mundo Rico, levada a cabo polo Clube Internacional de Prensa. Máis alá das necesarias críticas, é un proxecto que me gusta. Principalmente porque trata de achegar a Galicia debates sobre cooperación que non se están dando. Pero tamén porque non se limita a traer de fóra para que aprendamos. Tamén integra no seu interior a ponentes internos.

Por exemplo, no eido do enfoque de xénero as representantes de IND tiveron voz no evento (probablemente a ONGD galega que máis trate este tema) e no tocante a servicios básicos falou ESF (probablemente a ONGD galega que máis teña traballado este discurso).

Esta sinerxia entre axentes internos e externos é a precisa para que exista aprendizaxe mutuo, e non se quede a iniciativa nun “Benvido Mr. Marshall“. De tódolos xeitos, ten moitas cousas criticables.

Si ben é certo que non é éste o único foro deste estilo en Galicia. O ano pasado chamoume a atención o foro Os sentidos das culturas, polo que pasaron grandes pensadores. E en breve, tamén no marco do Consello da Cultura, realizarase o foro Medios de comunicación e identidade (vía NovosMedios). Éste último recolle algunhas das inquietudes nas que levaba tempo pensando (todo ahi que dicilo, a raíz do curso de verán organizado polo mesmo grupo de Novos Medios)… e creo que me vai dar a oportunidade de escribilas.

Dende o “Bus-Force-One”

Andrés — Thu, 01 Nov 2007 18:52:25 +0000

De camiño a Estella e posteando …

Hacia a Cósmica: comunicaciong e LIS

Andrés — Wed, 31 Oct 2007 16:52:16 +0000

Dentro de apenas 12 horas saímos para a cósmica. Tratarei de axenciarme no bus un portátil para ir rematando os últimos retoques estéticos da presentación… pero mentres estou en Coruña dando os últimos retoques (e a piques de asistir á charla de Molinero sobre a “crise” hídrica). Simultáneamente, Fran dende Vigo descargando videos de YouTube e GVideo por si non tivésemos acceso a internet no albergue. Un plan B.

E niso estamos cando descubro este video de Olga, onde ela e Felipe explican en qué consiste o Laboratorio de Innovación Social. Xenial!

[gv data="_PLbfdlkYQ8" width="425" height="350"][/gv]

No sólo software

Andrés — Fri, 19 Oct 2007 10:50:21 +0000

Hoxe comeza o máster en soft libre. E, logo de asentarme en Coruña, xa podo dicir que comeza tamén un novo ano para min. E Comeza forte. Co taller da cósmica sobre comunicación e o proxecto Comunicaciong. Pero principalmente polo traballo que suporá integrarme nunha comunidade de aprendices, de constructores de software. E ó redor desto xurde outro proxecto persoal: No sólo software, outro blog onde terán cabida aqueles post máis técnicos, onde tratarei de mostrar o día a día do traballo no máster. Pero non só iso.

Un ano duro e estimulante á vez. Esto promete.

Tu Quoque Iolanda?

Andrés — Thu, 18 Oct 2007 15:07:49 +0000

Actualización 19 Outuibro: Calidonia tamén escribe sobre isto. E danos unha pequena colleja.
A poucos lle sentan ben as críticas, aínda que sexan éstas humorísticas ou parodias, mera retranca galega. Pero só algúns acuden ó xulgado para que non fagan chistes sobre eles.

Tu quoque Iolanda?